13/06/2013 08:43:12

Klima tokësore alarmon NASA-n

Nasa nis studimet për të kuptuar se cfarë po ndodh me atmosferën tonë

HermesNews - NASA ka filluar kërkimet për të zbuluar dicka më shumë rreth ndryshimeve të shpeshta atmosferike që kanë përfshirë planetin tonë kohët e fundit. Objektivi kryesor është të zbulohet se si ndotja e ajrit dhe emetimi i gazit natyror ndikojnë në përbërjen e atmosferës dhe në meteorologji.

Duke filluar nga gushti deri ne fund të shtatorit, avionet e Nasa-s , te pajisur me mjetet e duhura shkencore, do të analizojnë përqendrimin e avullit, monoksidit te karbonit dhe temperaturës së ajrit, por gjithashtu edhe shpeshtësinë dhe dendësinë e ujit mbi re deri në stratosferë në të gjithë territorin e Shteteve të Bashkuara.

Periudha nuk është zgjedhur rastësisht, pasi në verë monsonet e Amerikës veriore shtyjnë në lartësi të atmosferës emetimet e gazit dhe produktet e tjera të zonave urbane. Në momentin kur këto agjente kimike arrijnë në stratosferë mund të ndikojnë dhe modifikojnë sjelljen e klimës duke lënë pasoja në të gjithë globin tokësor.

Me ndihmën e sateliteve, specialistët e Nasa-s do të mbledhin cdo ditë sa më shumë të dhëna të jetë e mundur mbi sasinë e pluhurit që vjen nga tymi i zjarreve në pyje dhe mbi sasinë e izoprenit, një substancë organike që përmban karbon dhe lirohet në mënyrë natyrale nga bimët si mbrojtje ndaj të nxehtit dhe temperaturave të larta.

Të dyja këta ndikojnë duke modifikuar thithjen dhe reflektimin e rrezeve diellore, duke prodhuar pra si efekt dytësor rryma të ftohta në tokë dhe nxehje të shtresave të sipërme të atmosferës.

Pra qëllimi i studimeve të Nasa-s është që të kuptohet se si funksionojnë këta mekanizma dhe si bashkëveprojnë emetimet natyrale me ato ndotëse dhe nëse kanë një rol të rëndësishëm në ndryshimet klimatike.

Daniela Vathi

Dërgo me email | Stampo artikullin