12/06/2013 19:44:25

Turqi, qetesi e blinduar

Policia partullon me forca të shumta sheshin Taksim në Stamboll

ANKARA - Turqia ka përjetuar sot një mëngjes me një qetësi jo fort të qëndrueshme dhe të blinduar pas natës më të dhunshme që prej fillimit të protestave masive kundër kryeministrit islamik, Recep Tayyip Erdogan.

Ndërkohë policia partullon me forca të shumta sheshin ''Taksim'' në Stamboll, kontrolli i të cilit u rimor nga manifestuesit përgjatë orëve të vona të natës së kaluar, pas tetë orësh përleshjeve të ashpra mes mijëra protestuesve dhe forcave policore, nga ku rezultuan të plagosur të paktën 200 të plagosur.

Po ashtu incidente të dhunshme mes forcave policore dhe protestuesve janë regjistruar edhe në Ankara.

Ndërkohë në Stamboll mbetet i uzurpuar nga manifestuesit vetëm pakru i vogël ''Gezi'', pranë sheshit ''Taksim'', duke qenë se ishte pikërisht ky vend që ishte programuar të shkatërrohej për krijuar hapësirë për një qendër tregtare, fakt që nxiti manifestimet e para dy javëve.

Erdogan, i cili dje ka deklaruar ''tolerancë zero'' kundër manifestuesve, të cilët i ka mbiquajtur ''vandalë'' dhe ''terroristë'', pret pasditen e sotme një delegacion që përfaqëson protestuesit.

Por, manifestuesit mohojnë t'i ketë nxitur dikush tjetër dhe akuzojnë qeverinë se ka zgjedhur delegatë që i leverdisnin autoriteteve. Platforma që përfshin 116 lëvizje që aderojnë në protestë ka bërë të ditur se nuk është thirrur nga kreu i qeverisë.

Situat në vend mbetet inkandeshente. Të rebeluarit, të cilët kërkojnë dorëheqjen e Erdoganit, kanë njoftuar se do të vazhdojnë të protestojnë. Ndërkohë nga skena botërore po shtohen deklaratat dënuese për dhunën e përdorur kundër demonstruesve.

Shtëpia e Bardhë ka shprehur shqetësim, ku po ashtu ka kërkuar respektimin e lirirsë së të shprehurit, lirinë e grumbullimit dhe lirinë e krijimit të shoqatave dhe pasjen e një fushe ''shtypi të lirë dhe të pavarur''.

Këshilli i Europës ka folur për ''dhunë të parpanueshme'', qeveria gjermane u shpreh ''e shqetësuar'' nga pamjet e filmuara në sheshin ''Taksim'', ndërsa ''Amnesty International'' përmedi temrat ''dhunë brutale dhe e turpshme''.

Lideri i opozitës turke, socialdemokrati Kemal Kilicdaroglu, i cili ka shprehur mbështetjen për të rinjtë manifestues, ka deklaruar se Erdogan ''është një diktator'', po ashtu i ka bërë një apel presidentit Abdullah Gul të organizojë një samit të të gjithë liderëve të politikës për të ulur tensionet dhe për të ndalur dhunën.

Ndërkohë Autoriteti Televiziv i emëruar nga qeveria Erdogan i ka vendosur një gjobë të majme tlelvizionit mbështets të opozitës ''Haklk tv'', i vetmi rrjet që ka transmetuar në mënyrë të drejtpërdrejt pamje që nga fillimi i protestave, të censuruara sipas manifestuesve në televizonet e mëdha si pasojë e presionit të kryeminsitrit, veprim përmes të cilit ''po dëmton rëndë zhvillimit fizik, moral dhe mendor të fëmijëve dhe të të rinjve''.

HermesNews - ©2013

Dërgo me email | Stampo artikullin