12/06/2013 12:32:59

Papa Francesku: “unë nuk doja të bëhesha papë”

Papa Francesku u shpreh para disa ditësh se ai kurrë nuk kishte dashur të bëhej papë dhe se qëndronte në një hotel në Vatikan per arsye “psikiatrike”.

VATIKAN - Papa Francesku u shpreh para disa ditësh se ai kurrë nuk kishte dashur të bëhej papë dhe se qëndronte në një hotel në Vatikan per arsye “psikiatrike”.

Papa u takua me qindra fëmijë të shkollave jezuite nga e gjithë Italia, por edhe nga Shqipëria. Krejt spontanisht u kërkoi fëmijëve që ti bënin pyetje duke befasuar kështu edhe mësuesit që nuk e prisnin.
Fëmijët e entuziarzmuar filluan ti bënin pyetje njëra pas tjetrës.

Ai u shpjegoi fëmijëve se vendimi për tu bërë prift ka qenë i vështirë dhe ai ka kaluar një moment të errët gjatë jetës së tij duke u ndjerë i vetmuar dhe pa kënaqësi shpirtërore, por ja doli duke dashur Krishtin.

Papa gjithashtu tregoi se më parë kur e pyesnin nëse do të dëshironte të bëhej papë, ai përgjigjej se vetëm dikush që urren vetveten do të bëhej papë.

Dikush nga fëmijët e pyeti se përse nuk qëndronte në apartementet e papës në Pallatin e Apostujve në Vatikan, por në një hotel ku qëndron që nga konklavi i marsit kur u zgjodh si papa i parë jezuit dhe pontifi i lartë i Amerikës.

Papa u tregoi fëmijëve se ai adhuron të qëndrojë mes njerëzve dhe nuk do të ndihej mirë nëse do të jetonte i izoluar nga njerëzit. Në fakt ai nuk ka pranuar të kalojë disa javë në verë në rezidencën papale të Castel Gandolfo, vendi ideal ku zakonisht papa kalon pushimet për tu relaksuar dhe medituar në vetmi. Por kjo nuk do ishte pozitive për një papë i cili në vend të vetmisë zgjedh ti hajë mëngjeset i shoqëruar nga një grup priftërinjsh në hotelin e tij në Vatikan.

Papa Francesku adhuron të qëndrojë mes fëmijëve, duke u përkëdhelur flokët e duke puthur të gjithë fëmijët që rojet i sjellin nga audienca që dalin për të dëgjuar fjalimet e tij. Ai gjithashtu u kërkon atyre që të luten për të me pafajësinë e fëmijëve.

Zakonisht papa pranon pyetje nga të rinjtë një herë ose dy herë në vit, por këta janë parapërgatitura, kështu ai është i gatshëm të përgjigjet, ndërsa kësaj radhe pyetjet ishin krejt spontane.

Ai e mbylli bashkëbisedimin me fëmijët duke i thënë që të mos lejojne askënd tu marrë shpresat.

Daniela Vathi

Dërgo me email | Stampo artikullin