12/06/2013 09:31:30

Më 31 Dhjetor përfundon proçesi i legalizimeve

Gjatë një takimi me banorë të zonave informale në lagjen "1 Maji", në periferi të qytetit, Kollozi u shpreh mes të tjerash se, legalizimi i ndërtimeve informale është një nga prioritetet e mazhorancës dhe ky proces do të mbyllet brenda këtij viti

VLORE - Kryetari i degës lokale të Partisë Demokratike, njëkohësisht kandidat i kësaj force politike për deputet në Qarkun e Vlorës, Ardian Kollozi, garantoi se, proçesi i legalizimeve për ndërtimet informale do të përfundjë brenda 31 Dhjetorit të këtij viti. Gjatë një takimi me banorë të zonave informale në lagjen "1 Maji", në periferi të qytetit, Kollozi u shpreh mes të tjerash se, legalizimi i ndërtimeve informale është një nga prioritetet e mazhorancës dhe ky proces do të mbyllet brenda këtij viti. “Ndryshimet ligjore, që tashmë kanë hyrë në fuqi, i hapin rrugë formalizimit dhe legalizimit të mijëra ndërtimeve në të gjithë vendin, të kryera pas vitit 2006, por krijojnë njëkohësisht edhe lehtësi të tjera për pronarët, sikundër janë pagesat me bono, që perbën një ndihmë financiare të jashtëzakonshme për këtë kategori familjesh”, theksoi Kollozi.

HermesNews - ©2013

Dërgo me email | Stampo artikullin