11/06/2013 19:16:51

Hungaria voton variantin e ri të ligjit mbi transparencën

Ligji për lirinë e informacionit u miratua lehtësisht, me 225 vota pro, 78 kundër dhe një abstenim

BUDAPEST - Parlamenti hungarez votoi sot një version të ri të ligjit mbi transparencën që kufizon aksesin në informacionet me interes publik, në kuadër të luftës kundër korrupsionit. Ligji për lirinë e informacionit u miratua lehtësisht, me 225 vota pro, 78 kundër dhe një abstenim.

Partia konservatore "Fidesz" e kryeministrit hungarez Viktor Orban, ka një shumicë prej dy të tretash në parlament. Parlamenti u shpreh në favor të versionit të parë më 30 prill.

Ky version kufizonte aksesin e informacioneve mbi shpenzimet publike të dy institucioneve, Gjykatës së Auditit të Shtetit dhe Zyrës së Kontrollit Qeveritar.
Presidenti hungarez, Janos Ader refuzuoi nënshkrimin e këtij ligji më 9 maj duke e dërguar përsëri në parlament.

Ai u kërkoi deputetëve të rishikonin ligjin në mënyrë që ai të mos çojë në kufizimin e të dhënave me interes publik. Disa OJQ e përshëndetën ndryshimin e ligjit si një hap në drejtimin e duhur. Megjithatë, sipas tyre kjo do të ndikonte në një dobësim të të drejtave mbi transparencën.

HermesNews - ©2013

Dërgo me email | Stampo artikullin