07/06/2013 16:39:20

Itali, 14 shqiptare ne pranga

Zbulohet banda italo-shqiptare

ASTI - Policia italiane ka shkatërruar një bandë të trafikut ndërkombëtar të kokainës, e cila drejtohej nga shqiptarë. Nga 31 të arrestuarit, 14 prej tyre janë shqiptarë dhe rreth 2.5 kg kokainë është sekuestruar. Në operacionin e kapjes së anëtarëve të bandës u përfshinë 300 policë të komandës të ASTI-t dhe Val D’Aosta-s.

Trafiku i kokainës kryhej në veri të Italisë, në Asti dhe rezulton se në tërësi shqiptarët trafikuan 31 kilogramë kokainë, në vlerë 10 milionë euro. Sipas policisë italiane, droga vinte nga Holanda dhe hynte në Itali nëpërmjet kufirit të veriut.

Rrjeti drejtohej nga tre shtetas shqiptarë: Shahinaj Vexhi dhe Sajmir Guradeci (aktualisht të arrestuar në Francë) dhe një i tretë ndodhet aktualisht i arrestuar në Shqipëri. Furnizues i grupit ishte Saimir Serjani, ndërsa vëllezërit Alibej nga Elbasani dhe vëllezërit Bullari, ishin drejtues të bandës.

Tregu i kokainës kishte si qendër Holandën por që shpërndahej, nëpërmjet ndërmjetësuesve shqiptarë edhe në Gjermani, Belgjikë dhe në Britaninë e Madhe.

Banda: Endrit Alibej, 29 vjeç: Andrea Alibej, 27 vjeç: Ervin Baho, 22 vjeç: Eno Bedali, 35 vjeç: Robert Braçja, 24 vjeç: Artan Bregu, 28 vjeç: Julian Bullari, 26 vjeç: Ersekë Burekasi, 25 vjeç: Emiliano Duka, 24 vjeç: Saimir Guradeci, 25 vjeç: Englentian Hasa, 24 vjeç.

HermesNews - ©2013

Dërgo me email | Stampo artikullin