07/06/2013 09:22:32

Sllovenia mbyll tregun e punës për kroatët

Vendimi merret për shkak të nivelit të lartë të papunësisë në Slloveni

LUBJANË - Sllovenia do të mbyllë tregun e saj të punës, për një periudhë dyvjeçare, për qytetarët kroatë, vendi i të cilëve më 1 korrik do të anëtarësohet në Bashkimin Europian, deklaroi ministrja sllovene e Punës, Anja Kopac, e cila saktësoi se ka dërguar në parlament dhe projektligjin e domosdoshëm, që duhet të miratohet para kësaj date.

Ky moratorium është parashikuar nga Traktati i Anëtarësimit të Kroacisë si opsion për të gjitha vendet e BE-së. Vendimi slloven kërkon që kroatët, ashtu si edhe qytetarët e vendeve joanëtare, të kenë një leje pune.

Kopac theksoi se ky vendim merret për shkak të nivelit të lartë të papunësisë në Slloveni si edhe për shkak të krizës ekonomike që ka përfshirë vendin. ''Kjo bëhet në të mirë të sllovenëve të papunë dhe aspak kundër kroatëve'', shtoi ajo.

HermesNews - ©2013

Dërgo me email | Stampo artikullin