07/06/2013 07:57:14

Hapësira që të tjerëve duhet t’i lejosh

nga Doriana Metollari

HermesNews - Secili prej nesh ka një hapësirë që u jep dhe e merr prej të tjerëve. Një limit që e vendos vetë se deri ku dhe kur është momënti t’a tërheqë ose ta lërë të lirë të rrjedhë. Flas dhe për energjitë.

Ajo që më bën përshtypje në komunikimin që njerëzit bëjnë, është toleranca e pakët që tregojnë teksa marrin dhe japin informacione. Janë më shumë të impenjuar të dëgjohen sesa të dëgjojnë të tjerët. Kjo sigurisht për atë që flet është një lloj çlirimi, por jo për atë që merr informacion jo, meqë ndjehet i “bombarduar” me fjalë dhe i pezulluar në morinë e të dhënave që tjetri i jep, pa krijuar idenë e tolerancës, vetëm të imponimit ndaj tij/saj.

Rrezultati i një bashkëbisedimi të tillë, aty ku dy veta flasin në drejtimin e vet, pa e përqëndruar vëmendjen tek arsyet e tjetrit është vetëm një. Asnjë… asnjë rrezultat them.

Rasti i dyti ku njëri vetëm flet dhe tjetri vetëm hesht është krejt tjetër. I njëanshëm, jo produktiv për cilësinë e bisedës.

Ndërsa rasti i tretë, aty ku bashkëbiseduesit janë të impenjjuar të flasin në sintoni me njëri tjetrin, duke dhënë arsyet e veta dhe duke u përpjekur të kuptojë dhe ato të tjetrit , është ai që unë e quaj civilizim.

Po, shenjë emancipimi, tolerance dhe besimi ndaj tjetrit. T’i hapësh bashkëbiseduesit tënd, nga ana psikologjike dhe të jesh gati të vihesh hera herës në vendin e tij, është mbi të gjitha në të mirën tënde. Të hap horizontin ndaj vetes, botës, njerëzve dhe karrierës, nëse po ndjek një, por ky rregull sipas meje vlen kudo.

Por, pa dalë nga idea e hapësirës që duhet t’i lesh të tjerëve.

Caktoni një kufi për çdo gjë.

Dëgjoni të tjerët, por llogjika është ajo që gjithmonë ju udhëheq në caktimin e një kufiri. Kur duhet thënë “po”: “jo” kur duhet marrë kohë, apo kur tjetri duhet pare me syrin e një personi që pa të drejtë ndërhyn në jetën tuaj private, intime etj etj.

Pra, ka gjithmonë një hapësirë e cila duhet mbrojtur. Quajeni tuajën, sepse është. Duhet repektuar dhe ruajtur fort. Ka raste kur fjala tolerancë nuk duhet vënë. Pushtimi i saj çon pak a shumë në një izolim ndaj shoqërisë, ose në modifikim të personalitetit tuaj. Flas në kuptimin negativ. Personalisht, e mbroj, por gjithmone duke e kuptuar se ku, kur dhe si duhet vene kufiri.

Po ju ?

HermesNews - ©2013

Dërgo me email | Stampo artikullin