06/06/2013 17:00:14

Policia 11 arrestime të shtetasve të huaj në Turqi

Kryeministri Erdogan pritet të kthehet këtë mbrëmje nga një vizitë zyrtare katër ditore në vendet e Afrikës Veriore

ANKARA - Policia përdori gaz lotsjellës dhe ujë me presion ndaj protestuesve gjatë protestave të vazhdueshme në kryeqytetin turk gjatë mbrëmjes se djeshme. Në mbrëmje vonë, protestat plot tension u zhvendosën nga sheshi ''Kizilay'', ku çdo natë duke filluar nga e premtja përleshjet kanë ndodhur në afërsi të zyrës së kryeministrit, Recep Tayyip Erdogan, drejt distriktit evropian, Gazi Osman Pasha, ku ndodhën trazira në rrugën ''Kennedy'', gjatë pjesës më të madhe të natës. ''Hurryiet'' raportoi se forcat e policisë turke arrestuan 11 demonstrues të huaj me akuzën për nxitje të trazirave publike. ''Të huajt e arrestuar përfshinin katër shtetas amerikanë, dy shtetas britanikë, një shtetas indian, një shtetas francez dhe një shtetas grek'', sipas ''Radikal''. Të paktën katër nga shtetasit e huaj studiojnë në Turqi si pjesë e programit ''Erasmus''. "Protesta hyn sot në ditën e saj të 10-t," njofton ''Hurryiet''.

HermesNews - © 2013

Dërgo me email | Stampo artikullin