06/06/2013 16:57:55

KiE, afati i fundit për projektin e fuqizimit të strukturës vendore

Thirrja për shprehjen e interesit për bashkëpunim, i drejtohet të gjitha njësive të qeverisjes vendore (308 komuna, 65 bashki dhe 12 qarqe)

TIRANË - Këshilli i Europës bën të ditur se nesër është afati i fundit për dorëzimin e formularëve për aplikim në kuadër të projektit "Fuqizimi i strukturave të qeverisjes vendore dhe bashkëpunimit mes të zgjedhurve vendorë në Shqipëri – Faza II, (2012 – 2015)”, i financuar nga Agjencia Zvicerane për Bashkëpunim dhe Zhvillim.

Komponenti për Bashkëpunimin Ndërvendor synon të mbështesë përmirësimin e kushteve për Bashkëpunimin Ndër Vendor (BNV) mes njësive të qeverisjes vendore në Shqipëri, ku përfshihet edhe asistenca për ndryshime të mundshme ligjore si dhe të mbështesë në shkallën më të lartë të mundshme, brenda mandatit dhe burimeve të Projektit, nëpërmjet seancave informuese dhe të trajnimit, pasuar nga asistencë e drejtpërdrejtë teknike.

“Bashkëpunimi Ndër Vendor është një mekanizëm i rëndësishëm, që krijon mundësi bashkëpunimi ndërmjet autoriteteve të qeverisjes vendore në atë mënyrë që e mbron autonominë vendore dhe në të njëjtën kohë mundëson ofrimin e shërbimeve në një mënyrë më efektive dhe një përdorim më të mirë të burimeve të limituara në të mirë të komunitetit”.

Komunikatë për Shtyp

Dërgo me email | Stampo artikullin