06/06/2013 11:01:51

Berisha inauguron rrugën Mollas-Selitë

Banorët e komunave Mollas, në rrethin e Elbasanit dhe Kozare në rrethin e Kuçovës, së shpejti do të komunikojnë midis tyre me rrugë të asfaltuar të parametrave bashkëkohore

TIRANË - Kryeministri Sai Berisha merr pjesë në mitingun elektoral të Partisë Demokratike në Gramsh, ndërsa në orën 12.00 në përurimin e fillimit të punimeve për rikonstruksionin e rrugës Mollas - Selitë-Frashër, një investim me vlerë 299,491,624 lekë, financuar nga BERZH, BEI dhe qeveria shqiptare, e cila u vjen në ndihmë 15.000 banorëve të këtyre zonave.Banorët e komunave Mollas, në rrethin e Elbasanit dhe Kozare në rrethin e Kuçovës, së shpejti do të komunikojnë midis tyre me rrugë të asfaltuar të parametrave bashkëkohore. Rruga, me një gjatësi 7.5 km, është një investim i Fondit Shqiptar të Zhvillimit, financuar nga qeveria shqiptare dhe donatoret e tjerë. Dhe pse një zonë me potenciale të zhvillimit bujqësor dhe blegtoral, fermerët e kësaj zone e kanë pasur mjaft të vështirë të transportojnë prodhimet e tyre në treg, si rrjedhojë e mungesës se infrastrukturës. Rruga e re do të ketë një gjerësi asfalti 5.5 m dhe dy bankina nga 0.5 m. Rruga do të jetë e pajisur me të gjithë elementët e nevojshëm, përfshirë sinjalistikën vertikale dhe horizontale, vepra arti, mure mbajtës, tombino, etj, ndërsa në zonat e banuara do të ketë trotuare.

HermesNews - © 2013

Dërgo me email | Stampo artikullin