03/06/2013 21:06:48

Vatikani një hap prapa për ekzorçizmin e Papa Françeskut

Pas “ekzorçizmit” të papa Françeskut, Angel nuk është sheruar dhe lëshon intervista

VATIKAN - Qarkullojnë zëra për një ekzorcizëm të mundshëm të papa Franceskut, por vatikani i ka mbyllur dyert këtyre thashethemeve mbi papën popullor dhe të dashur nga të gjithë.

Sipas Vatikanit në rastin e Angel V. bëhej fjalë për një “Lutje clirimi” saqë Dino Boffo i kanalit televiziv italian TV2000 u detyrua të tërhiqte deklaratat e tij dhe të korigjohej.

Disa ditë pas ngjarjes, 43 vjecari meksikan pranon që lutja e Papës nuk ka pasur efektet e duhura.

“Ka momente kur më duket sikur demonët duan të dalin nga unë. I ndjej në gojë dhe më duket sikur qafa fryhet thua se po dalin nga unë, por pastaj nuk ndodh kjo.” Ai shtoi gjatë intervistës se do dëshironte të ndihmonte të gjithë njerëzit në botë që ndihen si ai dhe askush nuk i beson.

Angel , baba i dy fëmijëve, është vizituar nga dymbëdhjetë priftërinj, ndër të cilët edhe at Gabriele Amorth. Ai përndiqet nga katër demonj dhe problemet linden që në 1999, kur Angel ndodhej në një autobuz duke u kthyer nga Qyteti i Meksikës.

“Dëgjova një forcë që hyri në autobuz, nuk e shihja, por e ndjeja. U afrua dhe ndaloi para meje. Papritur ndjeva një dhimbje të fortë në kraharor dhe më dukej sikur donte të më hapte brinjtë”- ka treguar ai për gazetën spanjolle El Mundo.

Si vazhdim ai iu drejtua mjekësisë për shqetësimet që kishte, por asnjë rezultat.

Edhe lutja e papës nuk shërbeu për asgjë. Sipas at Amorth, posedimi i tij është një rast shumë i vecantë dhe përmban një mesazh dhe gjithashtu ai mendon se demonët do ta lënë trupin e Angel kur peshkopët e Meksikës të dënojnë publikisht abortin, duke kryer kështu një akt kompensimi ndaj Marias dhe një akt shenjtërimi ndaj gjithë kombit.

Në një shoqëri që bazohet në spektakël dhe aparencë , edhe ekzorcizmi kthehet në një spot publicitar.

Daniela Vathi

Dërgo me email | Stampo artikullin