03/06/2013 18:28:38

Tirane, tre qendra votimi zhvendosen në ambjente publike

Partia Socialiste ngrinte pretendime në kërkesën e saj për 3 qendrat e votimit të vendosura në njësinë numër 4

TIRANË - Kolegji Zgjedhor pranoi sot kërkesën e Partisë Socialiste për zhvendosjen e 3 qendrave të votimit në Tiranë, nga ambientet private në ambiente publike. Partia Socialiste ngrinte pretendime në kërkesën e saj për 3 qendrat e votimit të vendosura në njësinë numër 4, në pronësi të familjes Kuka, pasi sipas saj, kjo familje ka lidhje me Partinë Demokratike. Kolegji Zgjedhor pranoi kërkesën e PS-së, duke rrëzuar vendimin e KQZ-së me nr, 458 të datës 21 Maj 2013, duke zhvendosur në këtë mënyrë 3 qendrat e votimit nga ambientet private në ambiente publike, saktësisht në shkollën “Pal Ëngjëlli”.

HermesNews - ©2013

Dërgo me email | Stampo artikullin