03/06/2013 18:23:27

KQZ, vendime të reja për zgjedhjet

Me katër votat e anëtarëve të pranishëm KQZ miratoi manualin e komisionit të qendrës së votimit (KQV)

TIRANË - Komisioni Qendror i Zgjedhjeve miratoi të hënën disa projektvendime, në kuadër të përgatitjes dhe organizimit të zgjedhjeve parlamentare të 23 qershorit. Me katër votat e anëtarëve të pranishëm KQZ miratoi manualin e komisionit të qendrës së votimit (KQV), si dhe një grup vëzhguesish të Institutit Demokratik të Kosovës (KDI), për monitorimin e zgjedhjeve të reja. Po ashtu, KQZ miratoi dhe pr/vendimin "për pasqyrimin e fushatës zgjedhore në radiotelevizionet private", si dhe p/vendimin "Për disa afate proceduriale që lidhen me zhvillimin e zgjedhjeve të pjesshme të 23 qershorit për kryetarin e bashkisë Bulqizë(qarku Dibër), kryetarin e komunës Thumanë(qarku Durrës) dhe kryetarin e njësisë bashkiake nr.1(qarku Tiranë)".
Në këto momente KQZ po zhvillon hedhjen e shortit për emërimin e ekspertëve kontabël të licencuar, të cilët do të kryejnë auditimin e fondeve të përfituara dhe të shpenzuara nga partitë politike për vitin 2012.

HermesNews - ©2013

Dërgo me email | Stampo artikullin