03/06/2013 18:00:31

Berlini i shqetësuar për Turqinë

Gjermania ka komunitetin më të madh turk në Bashkimin Europian

BERLIN - Gjermania po ndjek me shqetësim zhvillimet në Turqi dhe bën thirrje për paqe dhe dialog duke shpresuar se zhvillimet e fundit nuk do të ndikojnë në diskutimet për aderimin e Turqisë në BE, deklaroi zëdhënësi i qeverisë gjermane, Steffen Seibert i pyetur gjatë një konference për shtyp për qëndrimin ndaj politikave të Erdoganit. "Liria e mendimit dhe manifestimet përbëjnë të drejtën themelore të demokracisë", u shpreh Seibert. Në shkurt, kancelarja Merkel u shpreh pro hapjes së bisedimeve me Turqinë për anëtarësimin në BE.
Gjermania ka komunitetin më të madh turk në Bashkimin Europian.

HermesNews - ©2013

Dërgo me email | Stampo artikullin