03/06/2013 17:48:16

Aksidenti, përplasen makinat: viktimë dhe të plagosur

Viktima e këtij aksidenti mësohet të jetë Dashamit Leka, tregëtar i armëve të gjahut, në qytetin e Elbasanit, ndërsa në vendin e ngjarjes, grupi hetimor ka nisur hetimet

ELBASAN - Një aksident, me pasojë vdekjen e një shtetasi dhe plagosjen rëndë të një tjetri, ka ndodhur sot në aksin rrugor Elbasan – Peqin, në vendin e quajtur Paulesh, ku si pasojë e përplasjes së dy mjeteve, ka gjetur vdekjen drejtuesi i njërit prej tyre dhe ka mbetur i plagosur rëndë pasagjeri që udhëtonte me të, emri i të cilit ende nuk bëhet i ditur. Burime zyrtare nga Policia lokale, bëjnë të ditur të hënën se viktima e këtij aksidenti mësohet të jetë Dashamit Leka, tregëtar i armëve të gjahut, në qytetin e Elbasanit, ndërsa në vendin e ngjarjes, grupi hetimor ka nisur hetimet për zbardhjen e aksidentit, një ndër shkaqet e të cilit mendohet të ketë qenë shpejtësia tej normave të lejuara nga të dy drejtuesit e mjeteve.

* foto arkiv

HermesNews - ©2013

Dërgo me email | Stampo artikullin