03/06/2013 15:43:50

Në pranga grabitësit e lokalit që vodhën dy milion lekë

LIbrazhd, grabitën lokalin: arrestohen nga policia

LIBRAZHD - Policia e Librazhdit ka arrestuar paraditen e së hënës dy persona, të cilët akuzohen për veprën penale të Vjedhjes. Zëdhënësja e Policisë se Elbasanit, Valbona Begu, gjate një deklarate për shtyp konfirmoi arrestimin e shtetasve Ledio Muçollari, 28 vjeç dhe Andi Cibaku, 22 vjeç, që të dy banues në Durrës, nderkohe qe është shpallur në kërkim një tjetër person bashkëpunëtor me autorët.

Këta të tre persona, në bashkëpunim me njëri tjetrin, kishin ardhur nga qyteti i Durrësit në drejtim të Elbasanit me qëllim grabitjen e 2 milion lekëve në afërsi të një lokali në Librazhd. Ata ishin informuar se në automjetin tip kamion me targa DR 8727 E, ndodheshin këto para dhe në momentin kur drejtuesi i mjetit ka parkuar në një lokal në perferi të qytetit të Librazhdit, kanë hapur mjetin me leva dhe kanë marrë prej andej 2 milion lekët.

Pronari i mjetit, i cili ka identifikuar vjedhesit, ka lajmëruar Policinë dhe vetëm pak minuta pas grabitjes eshte bere i mundur arrestimi i dy prej autorëve, ndërsa eshte shpallur në kërkim personi i tretë.

HermesNews - ©2013

Dërgo me email | Stampo artikullin