02/06/2013 18:41:06

Paradë ushtarake për Festën e Republikës

Në total 3 300 anëtarë të regjimenteve të ndryshme të Republikës parakaluan në qendër të Romës duke përshëndetur tribunën e nderit, ku ishte ulur presidenti Giorgio Napolitano

ROMË - Parada ushtarake tradicionale e organizuar në Romë për Festën Kombëtare të Republikës u shënua sot nga masat e shtrëngimit ekonomik për shkak të recesionit në Itali, bënë të ditur burime zyrtare vendase.

Në total 3 300 anëtarë të regjimenteve të ndryshme të Republikës parakaluan në qendër të Romës duke përshëndetur tribunën e nderit, ku ishte ulur presidenti Giorgio Napolitano.

"Forcat e armatosura në shërbim të vendit" ishte tema e zgjedhur për këtë vit për paradën e organizuar për të festuar krijimin e Republikës Italiane, më 2 qershor të vititi 1946, pas Luftës së Dytë Botërore.

Të parët, që hapën paradën ishin ushtarët e gardës republikane, përgjegjës për sigurinë e presidentit. Data 2 qershor shënon ditën e rezultateve të referendumit, pas të cilit shumica e italianëve zgjodhën Republikën.

HermesNews - ©2013

Dërgo me email | Stampo artikullin