31/05/2013 16:09:39

Itali, 12,8 % të papunë në tremujorin e parë

Numri i të rinjve të papunë në tremujorin e parë shënon 41,9 për qind, numri më i lartë i regjistruar prej vitit 1977

ROMË - Papunësia, si shkak i recesionit që ka goditur vendin, arriti në 12,8 për qind në tremujorin e parë të vitit 2013 dhe shënon përqindjen më të lartë që prej tremujorit të parë të vitit 1977. Shifrat e regjistruara në mënyrë josezonale janë të përkohshme. ''Numri i të rinjve të papunë në tremujorin e parë shënon 41,9 për qind, numri më i lartë i regjistruar prej vitit 1977", deklaroi sot agjencia kombëtare italiane e statistikave, ISTAT. "Numri i shtetasve të papunë, si shkak i recesionit, ka arritur në 3 276 000 në tremujorin e parë të vitit 2013. Kjo shifër është përshtatur në mënyrë josezonale," deklaroi agjencia e statistikave.

HermesNews - ©2013

Dërgo me email | Stampo artikullin