31/05/2013 08:44:31

Tafaj uron maturantet

Këtij provimi, spas Agjencisë Kombëtare të Provimeve, do i nënshtrohen 45 mijë maturantë, ndërkohë që rreth 2 për qind e tyre nuk do të jenë pjesë e procesit

TIRANË - Zv.kryeministri dhe Ministri i Arsimit dhe Shkencës, Myqerem Tafaj, u ka uruar suksese maturantëve, të cilët sot në mëngjes po i nënshtrohen provimit të parë të Maturës Shtetërore 2013, atë të Letërsisë dhe Gjuhës Shqipe. Përmes rrjetit social “Facebook”, Tafaj shkruan se "dita e provimit të parë të Maturës është pa dyshim një ditë e rëndësishme për çdo të re e të ri në rrugën e shkollimit dhe të dijes. Me punën e madhe që keni bërë ju, së bashku me mësuesit tuaj, gjatë tre viteve të shkollës së mesme, unë jam i sigurt se do të kurorëzoni me sukses edhe provimet e Maturës. Mundësitë që ju ofrohen për të zgjedhur programet e studimeve universitare që ju dëshironi, pas këtyre provimeve, janë të shumta dhe ju orientojnë në radhë të parë drejt punësimit më të mirë. Unë ju përgëzoj përzemërsisht për sukseset që keni arritur deri tani dhe ju uroj shumë suksese në provimet e Maturës si edhe në rrugën e gjatë të dijes!". Këtij provimi, spas Agjencisë Kombëtare të Provimeve, do i nënshtrohen 45 mijë maturantë, ndërkohë që rreth 2 për qind e tyre nuk do të jenë pjesë e procesit.

HermesNews - ©2013

Dërgo me email | Stampo artikullin