30/05/2013 15:54:29

Etore Sequi, pergezon votimin

Votimi i 3 ligjeve prove se palet bashkepunojne

TIRANE-Ambasadori i BE-së në Tiranë, Etore Sequi deklaroi sot se “ne mirëpritëm miratimin e paketës se të dy ligjeve dhe reformën e rregullores së parlamentit. Kjo verteton se shqiptarët i kanë mundësitë, kapacitetet dhe vullnetin kur dëshirojnë të punojnë për të mirën e vendit”.

Në një prononcim për mediat, pas miratimit të tre ligjeve të integrimit nga Parlamenti, Sequi tha se, miratimi i ligjeve, është i rëndësishëm jo vetëm sepse është kërkuar nga Brukseli, por edhe prova që vërteton se palët mund të bashkëpunojnë me njëra-tjetrën kur kjo është në të mirë të vendit.

Ai kujtoi se “kur Komisioneri Fyle prezantoi e paketën e zgjerimit, ai tha se ishte kritike që të miratoheshin këto ligje që u miratuan sot, në mënyrë që t'u jepet mundësia për t'u dhënë një raport shteteve anëtare të BE-së, ku të përfshiheshin edhe përpjekjet që janë bërë kundër krimit të organizuar dhe korrupsionit”.

I pyetur se çfarë mendimi ka që tre ligjet do të hyjnë në fuqi në vjeshtë, diplomat i BE-së theksoi se “unë mendoj se parlamenti është sovran dhe sot u duk që të gjithë ishin dakort me atë tekst që u miratua gjë që është e rëndësishme”.Në përfundim, Ambasadori tha se “ përsëris se një gjë është e rëndësishme dhe që është dhe qëndrimi i 27 shteteve anëtare të BE-së që zgjedhjet e mira, janë tërësisht të rëndësishme dhe kritike për funksionimin e mirë të institucioneve”.

HermesNews-©2013

Dërgo me email | Stampo artikullin