29/05/2013 08:11:10

Boom-i i ri, kozmetika e arit si faraonët

Kompania e kozmetikës Oro Gold zë vend në Global Cosmetic Market

HermesNews - Industria e kozmetikës, sic dihet tashmë, është një udhë shumë e vështirë dhe vecanërisht kur bëhet fjalë për të pasur sukses ndërkohë që konkurrenca është shumë e lartë dhe prestigjoze. Aktualisht konkurrenca mes gjigandëve të produkteve të bukurisë dhe markave të specializuara është e tejskajshme.

Gjithsesi asgjë nuk është e pamundur nëse me shumë punë u ofrohen produkte cilësore klientëve. Në radhët e këtyre gjigandëve të kozmetikës është edhe Oro Gold Cosmetics, kompania izraeliane, e cila është përhapur tashmë në shkallë globale dhe ofron për klientet e saj produkte bukurie luksoze dhe me cilësi të lartë.

E vecanta e kësaj kompanie dhe arsyeja nga se ka marrë emrin është se ajo përdor ar të vërtetë në produktet e saj, gjë e cila u jep mundësinë të gjithëve që të provojnë avantazhet që dikur u rezervoheshin vetëm shtresave të larta shoqërore.

Prej shekujsh ari njihet për cilësitë e tij dhe efektet pozitive për lëkurën dhe bukurinë në përgjithësi, madje shumë princesha dhe gra aristokrate ndër shekuj kanë përdorur arin për të rritur bukurinë e tyre.

Ari i përdorur nga Oro Gold Cosmetics gjindet në formulën “ar kolloidal” , i njohur për nano cilësitë. Këto grimca ari me përmasa nën-mikrometrore i shtohen formulës së produkteve dhe depërtojnë lehtë në poret e lëkurës së fytyrës duke lëshuar efektet pozitive që përmbajnë, si për shembull pakësojnë rrudhat në fytyrë dhe japin një ndjesi freskie.

Oro Gold Cosmetics është zgjeruar shumë në vite dhe përfshin në vetvete produkte si për femra ashtu edhe për meshkuj. Produktet fillojnë që nga ato ditësoret e rutinës së përditshme që ofrojnë minerale dhe vitamina për fytyrën e gjer tek maskat luksoze të cilat lënë një lëkurë të freskët , shkëlqyese dhe elastike për ditë me rradhë.

Daniela Vathi

Dërgo me email | Stampo artikullin