28/05/2013 18:54:58

Francë, vdes pacienti i pare i prekur nga koronavirus

Koronavirusi ka prekur, që nga shtatori i vitit të kaluar, 44 persona, 22 prej të cilëve kanë vdekur

PARIS - I pari nga dy pacientët e prekur nga koronavirusi në Francë, vdiq, bënë të ditur sot burime zyrtare vendase. "Pacienti i parë, i cili ishte shtruar në spital, vdiq", theksuan burimet zyrtare vendase duke iu referuar të sëmurit. Pacienti, 65-vjeçar ishte shtruar në spital më 23 prill. Pacienti i dytë, një burrë rreth 50 vjeç, u shtrua në spital më 9 maj. Koronavirusi ka prekur, që nga shtatori i vitit të kaluar, 44 persona, 22 prej të cilëve kanë vdekur. Shumica e rasteve janë regjistruar në Arabinë Saudite, në Katar, Jordani, Tunizi, Emiratet e Bashkuara Arabe, Gjermani, Britani e Madhe dhe Francë.

HermesNews - ©2013

Dërgo me email | Stampo artikullin