28/05/2013 18:49:21

SHBA, alarm fals për autobombë mbi urën e Bruklin

Bëhej fjalë për automjet tip fuoristradë pa targa dhe pa një numër identifikimi shasie dhe menjëherë u dha një alarm për një autobombë mbi urë

NEW YORK - Policia e New Yorkut ka mbyllur për rreth dy orë urën e Bruklinit mbrëmjen e kaluar pas sinjalizimeve për një automjet të braktisur në një prej korsive të kalimit mbi urë. Sipas informacioneve të dhëna nga autoritet bëhej fjalë për automjet tip fuoristradë pa targa dhe pa një numër identifikimi shasie dhe menjëherë u dha një alarm për një autobombë mbi urë. Pas disa kontrolleve të zhvilluara nga ekipet e posaçme të agjentëve të skuadrës së xhenierëve, ura u rihap për qarkullimin normal të automjeteve. Episodi ka ndodhur gjatë një momenti me një intensitet të lartë qarkullimi rrugor nëpër rrugët e qytetit, ndërkohë që njujorkezët po riktheheshin pas përfundimit të një fundjave të gjatë ku përkonte edhe Memorial Day, që hap zyrtarisht sezonin veror.

HermesNews - ©2013

Dërgo me email | Stampo artikullin