28/05/2013 15:03:00

Përmirësohet shërbimi i çerdheve në Tiranë

Kryebashkiaku Lulzim Basha inauguron çerdhet e reja

TIRANË - Rreth 100 fëmijëve të njësisë bashkiake nr. 1, nga sot do u ofrohet një shërbim më cilësor dhe në kushte optimale në çerdhen nr. 50, falë një investimi prej 15.6 milionë lekësh, nga Bashkia e Tiranës, e cila ka përfunduar rikonstruksionin tërësor të saj. Kryebashkiaku Lulzim Basha, i pranishëm në përfundimin e punimeve në këtë çerdhe ka theksuar se, kjo cilësi e munguar prej vitesh në qytetin e Tiranës do të jetë standardi nga i cili, Bashkia e Tiranës nuk do të ndahet në riparimin, rehabilitimin apo ndërtimin e çerdheve të reja. “...çerdhja nga 60 fëmijëve, do të mund t’u shërbejë 100 fëmijëve. Kushtet janë përmirësuar rrënjësisht, si ato higjieno-sanitare, por edhe kushtet e tjera të shërbimit që kanë të bëjnë me pajisjet, me kuzhinën dhe ngrohjen, e cila ka filluar të funksionojë me peleta, duke mundësuar edhe uljen e kostos, por edhe furnizimin gjatë gjithë sezonit të dimrit, sikundër po veprohet edhe në të gjithë çerdhet, kopshtet dhe shkollat e tjera të kryeqytetit”, u shpreh Basha.

HermesNews - ©2013

Dërgo me email | Stampo artikullin