28/05/2013 10:56:19

Greqi, jepen rrezultatet e sondazheve

Për herë të parë, Antonis Samaras ka kaluar në krye të listës përsa i përket popullaritetit të liderëve politikë

ATHINË - Partia konservatore greke Demokracia e Re ndodhet sërish në avantazh me 2,8 për qind kundrejt SYRIZA-s, doli sipas një sondazhi publikuar në të përjavshmen greke Proto Thema. ''Më konkretisht Demokracia e Re grumbullon preferencën e 24,9 për qind të grekëve, SYRIZA 22,1 për qind, 'Agimi i Artë' 11 për qind, PASOK-u 5,8 për qind, 'Grekët e Pavarur' (ANEL) 5,2 për qind, Partia Komuniste (KKE) 5,1 për qind dhe e Majta Demokratike (DIMAR) 4,1 për qind'', shkruan gazeta.

Në një tjetër sondazh, që u publikua në gazetën tjetër greke Eleftheros Tipos, avantazhi i Demokracisë së Re ndaj partisë më të madhe opozitare është 2,4 për qind. Kështu, 44 për qind e të pyeturve përgjigjet se do t’i besonte më shumë për të ardhmen e familjes së tij një qeverie me kryeministër Antonis Samaras, kundrejt 25,7 për qind që grumbullon preferenca e një qeverie të drejtuar nga Aleksis Cipras.

Ndërsa qeveria aktuale tripartiake (Demokracia e re, PASOK, DIMAR), vlerësohet nga 46,6 për qind se i shërben më mirë interesave të vendit, ndërsa një qeveri nën drejtimin e SYRIZA-s, 31,7 për qind. Për herë të parë, Antonis Samaras ka kaluar në krye të listës përsa i përket popullaritetit të liderëve politikë, me një diferencë prej 6,0 për qind nga Fotis Kuvelis.

HermesNews - ©2013

Dërgo me email | Stampo artikullin