27/05/2013 15:51:38

Perplaset makina, vdesin te rinjte

Burime zyrtare nga drejtoria e policisë së qarkut, bënë të ditur se një një autoveturë me targë DR 61 65 D ka shpërthyer pas një përplasjeje të fortë dhe më pas është rrokullisur disa herë, duke u shkatërruar thuajse tërësisht

SHIJAK - Dy të rinj kanë gjetur vdekjen si pasojë e një aksidenti të rëndë në afërsi të kryqëzimit të quajtur Katër rrugët e Shijakut, 11 km larg qytetit të Durrësit. Burime zyrtare nga drejtoria e policisë së qarkut, bënë të ditur se një një autoveturë me targë DR 61 65 D ka shpërthyer pas një përplasjeje të fortë dhe më pas është rrokullisur disa herë, duke u shkatërruar thuajse tërësisht. Sipas të njejtave burime, dy adoleshentë me mbiemrin Cyrbja kanë hummbur jetën, ndërsa një person i tretë, që ndodhej në të njejtin automjet, është dërguar me urgjencë në spitalin ushtarak të Tiranës. Burimet bënë të ditur se në vendngjarje ka forca të shumta të policisë, ndërsa punohet për të sqaruar plotësisht shkaqet dhe rrethanat e aksidentit të rëndë.

HermesNews - ©2013

Dërgo me email | Stampo artikullin