25/05/2013 08:49:50

Shkup, Qeveria dënon aktet e dëmtimit të Alfabetit Shqip

Qeveria me këtë rast informon opinionin publik se institucionet do të marrin të gjitha masat e domosdoshme për zbardhjen e kësaj ngjarjeje, gjetjen e autorëve dhe dërgimin e tyre para drejtësisë

SHKUP - Qeveria e Republikës së Maqedonisë dënoi ashpër dje aktin vandal dhe dëmtimin e Muzeut të Alfabetit Shqip në Manastir. "Qeveria me këtë rast informon opinionin publik se institucionet do të marrin të gjitha masat e domosdoshme për zbardhjen e kësaj ngjarjeje, gjetjen e autorëve dhe dërgimin e tyre para drejtësisë", deklaroi zëdhënësi i qeverisë maqedonase, Muhamed Hoxha. ''Qeveria do të marrë të gjitha masat e domosdoshme për riparimin, në afatin më të shkurtër kohor, të dëmeve të shkaktuara në objekt, i cili është me rëndësi të madhe historike'', theksoi ai. Persona të panjohur dëmtuan rëndë Muzeun e Alfabetit Shqip në Manastir. Ngjarja ndodhi dje rreth orës 04:00, me orën lokale. Muzeu ka pësuar dëme të mëdha materiale.

HermesNews - ©2013

Dërgo me email | Stampo artikullin