24/05/2013 18:56:22

Tepelenë, sekuestrohen 200 kg drogë

Tre në pranga

TEPELENË - Të paktën 200 kg marijuanë u sekuestruan disa çaste në parë, në brendësi të ish-fabrikës së tullave në fshatin Luftinjë, rreth 15 km larg Tepelenës, ndërsa tre persona u ndaluan si të dyshuar, njoftoi policia lokale në jug të vendit. “Lënda narkotike, ndarë në pako me forma dhe pesha të ndryshme, të mbështjella në letër natriban, ishte fshehur në një nga dhomat e tharjes”, tha në linjë telefonike Gentian Mullai, zëdhënësi i Drejtorisë së Policisë së Qarkut të Gjirokastrës. I njëjti zyrtar tha se gjatë aksionit u ndaluan tre persona, prej të cilëve një roje objekti. “Ende nuk dihet origjina dhe destinacioni i lëndës narkotike”, tha Mullai, ndërsa shtoi se aksioni po vijon në këto momente.

HermesNews - ©2013

Dërgo me email | Stampo artikullin