24/05/2013 16:50:03

SHBA Izraelit, bllokoni kolonite

Sekretari amerikan i Shtetit, John Kerry i ka kërkuar kryeministrit izraelit, Benjamin Netanyahu për të shpallur publikisht një bllokim total të planifikimit të ndërtimit të kolonive në Bregun Perëndimor

TEL AVIV - Gjatë një takimi në Jerusalem, sekretari amerikan i Shtetit, John Kerry i ka kërkuar kryeministrit izraelit, Benjamin Netanyahu për të shpallur publikisht një bllokim total të planifikimit të ndërtimit të kolonive në Bregun Perëndimor si dhe në vendbanimet e izoluara, raportoi sot gazeta izraelite ''Maariv''.

Gazeta nuk ishte në gjendje të njoftonte përgjigjen e Netanyahut në lidhje me propozimin e Kerryt. Sekretari amerikan i Shtetit, nga dita e djeshme, ka zhvilluar bisedime bilaterale me zyrtarë izraelitë dhe palestinezë për të rifilluar negociatiat për paqe mes dy vendeve. Ky është misioni i tij i katërt duke filluar nga shkurti.

Sekretari i jashtëm britanik, William Hague, i cili vizitoi gjithashtu Jerusalemin ditën e djeshme, deklaroi se Izraeli kishte humbur pak nga mbështetja britanike dhe evropiane për shkak të kolonive.

Në një intervistë për ''Sky News'', të publikuar sot dhe të cituar nga shtypi i Izraelit, Hague deklaroi se dritarja e hapur për mundësinë e një zgjidhjeje mes dy shteteve po mbyllej.

"Ne nuk biem dakord me vendosjen e vendbanimeve të reja në tokat e pushtuara. Izraeli është një vend me të cilin po bashkëpunojmë në shumë mënyra'', deklaroi Hague për ''Sky News''.

HermesNews - ©2013

Dërgo me email | Stampo artikullin