24/05/2013 11:29:41

Ligj për produktet kozmetike

Me këtë ligj, duhet të ushtrohet kontroll jo vetëm në farmaci, por edhe në supermarkete

TIRANË - Ministria e Shëndetësisë po përgatit ligjin për Produktet Kozmetike, i cili konsiderohet mjaft i rëndësishëm. Ky ligj, një risi për shëndetësinë, po përgatitet me konsulencë të huaj. "Aktualisht jemi duke përpunuar ligjin për produktet kozmetike, që është shumë i rëndësishëm. Ky ligj, që bota e ka, po përgatitet edhe me konsulencë të huaj", tha sot shefja e Farmaceutikës në MSH, Barjola Muhametaj. Sipas saj, kjo është një risi, pasi, me këtë ligj, duhet të ushtrohet kontroll jo vetëm në farmaci, por edhe në supermarkete. Kontrolli i produkteve kozmetike merr një rëndësi të madhe, nisur kjo edhe nga problemet që mund të shkaktojnë në shëndet produktet e pakontrolluara. Mjekët dermatologë tërheqin vëmendjen për problemet e shkaktuara në lëkurë, sikurse reaksione alergjike, irritim, etj.

HermesNews - ©2013

Dërgo me email | Stampo artikullin