22/05/2013 12:45:44

Berisha hedh zjarrin në opozitë. Marëveshja pas skene PS-LSI

Berisha, 'Meta ka ambicie për kryeministër' dhe se 'nuk di ç'pazare ka bërë ai me Ramën'

TIRANE - Kreu i LSI-së Ilir Meta doli sot në një konferencë për mediat për të sqaruar lidhur me postin e kryeministrit. "Nuk ekziston asnjë konfuzion në kampin opozitar, përkundrazi gjithçka ecën në sintoni të plotë. Se kush do jetë Kryeministri e zgjidh Kushtetuta, vota e shqiptarëve", tha Meta, duke u pozicionuar përkundrejt deklaratave të kryeministrit Berisha, i cili u shpreh në Gjirokastër se "Meta ka ambicie për kryeministër" dhe se "nuk di ç'pazare ka bërë ai me Ramën". I pyetur mbi deklaratën e kryeministrit Meta u përgjigj, “unë do propozoj kompromis tjetër për çështjen e karriges, se nuk ka çfarë bën, do respektoj vullnetin e sovranit. Karrigen e zyrës ta marrë me vete në shtëpi, në studion e tij, siç bëri idhulli i tij, Les Valesa, i cili e mori me vete”,- tha Meta, ndërsa shtoi, “nëse Gjinushi do ketë ndonjë shqetësim për këtë çështje, ne si LSI do heqim shpenzimet për një karrige tjetër.”

HermesNews - ©2013

Dërgo me email | Stampo artikullin