20/05/2013 18:03:47

Bashkimi familjar nuk aplikohet nëse martesa është vetëm formale

Gjykata e Lartë ka hedhur poshtë të drejtën për bashkim familjar kur martesa është vetëm formale

HermesNews - Martesa në Shqipëri me një shtetase italiane nuk justifikon faktin që një i huaj, i cili ka marrë ekspuls, të hyjë përsëri në Itali brënda një viti, sepse është e nevojshme të tregohet bashkëjetesa me bashkëshortin.

Rasti që solli këtë vendim në Itali ishte ai i një qytetari shqiptar, i cili pasi kishte marrë ekspuls në 2009, ishte zbuluar tek sa bënte një kontratë martese me një shtetase italiane. Pasi u arrestua dhe u dërgua sërish në Shqipëri, ankimi i tij në gjykatë u refuzua për shkak se hyrja e tij në Itali kishte qenë e pa(a)utorizuar.

Martesa e tij në Shqipëri me një shtetase italiane nuk i jep të drejtën që të rikthehet në Itali brënda më pak se një viti, kur ekspulsi që ka marrë më parë i ndalon hyrjen për pesë vjet dhe në këtë rast është e nevojshme të tregohet bashkëjetesa me bashkëshorten. Vendimi i këtij akti ka si qëllim parandalimin e martesave formale, që shfrytëzohen për të marrë lejen e qëndrimit.

Daniela Vathi

Dërgo me email | Stampo artikullin