20/05/2013 14:27:35

Hëna pëson goditje nga meteoritët-Filmimet e Nasa-s

Hëna është goditur nga një meteorit i ardhur nga hapësira duke krijuar një shpërthim të vogël, fazat e së cilit janë filmuar nga teleskopet e NASA-s.

NASA - Teleskopet e NASA-s kanë filmuar fazat e shpërthimit që ndodhen nga përplasja e hënës me një meteorit i ardhur nga hapësira. Meteoriti ka goditur një zonë të Hënës e njohur si “Mare Imbrium” dhe ka shaktuar një krater me një diametër prej 20 metrash.

Nuk është hera e parë që Hëna pëson përplasje të tilla apo “bombardime” nga meteorite apo objekte të tjera hapësinore, të cilat kanë lënë shenjat e përplasjes mbi sipërfaqen e Hënës, madje mendohet se forma karakterizuese me gropa e sipërfaqes sic e njohim ne tani është shkaktuar nga një aktivitet i tillë kozmik.

Në videon që i bashkangjitet artikullit paraqiten filmimet e marra nga kanali YouTube i “Science at NASA” , ku tregohen pamjet e satelitit tonë, me një thellim mbi ngjarjet e fundit. Gjithcka është e shoqëruar edhe nga skema shpjeguese dhe rikonstruksione grafike për ta bërë më të qartë ngjarjen astronomike.

Daniela Vathi

Dërgo me email | Stampo artikullin