18/05/2013 18:54:03

Bruksel, plan për sulm terrorist

Lëndë eksplozive për sulm terrorist kundër Pallatit të Drejtësisë në Bruksel

BRUKSEL - Të sigurohen armë dhe një sasi e caktuar lëndësh eksplozive për një sulm terrorist kundër Pallatit të Drejtësisë në Bruksel, sipas përgjimit të një telefonate të një të riu belg me origjinë marokene, i cili ndodhet në Siri për të luftuar përkrah lëvizjes xhihadiste, sipas një njoftimi të publikuar nga shumë të përditshme belge, ndër të cilat, ajo frankofone ''Derniere Heure'' dhe ajo në gjuhën holandeze, e njohura ''Het Laatste Nieuws''.

Por, nga Prokuroria u dha një njoftim tepër i shkurtër përgënjeshtrues, ku flitej se informacioni ishte fals, njoftonte agjencia belge e lajmeve.

Sipas ''Derniere Heure'', që citonte ''dy burime të mirëinformuara'', armët dhe lënda eksplozive që vinin nga jashtë duhej të hynin në vend përmes botës së krimit në kryeqytetin belg.

Ende nuk është e qartë cili duhet të kryente këtë atentat dhe nuk përjashtohet mundësia e kthimit të vetë militantit nga Siri, por ka gjasa që personi (i cili në artikujt e të përditshmeve identifikohet me emrin Houssein Elouassaki) është përpjekur të rekrutojë persona nga radhët e ish-miqve të tij të ''Sharia4Belgium'', grupi që frekuentonte para se të shkonte në Siri.

HermesNews - ©2013

Dërgo me email | Stampo artikullin