17/05/2013 18:45:45

Qeveria, plan për çështjet LGBT

Shqipëria është një nga vendet ku po zbatohet projekti i Këshillit të Europës 'Lufta kundër diskriminimit në bazë të orientimit seksual dhe identitetit gjinor'

TIRANË - Qeveria shqiptare ka përgatitur një plan veprimi për të trajtuar çështjet e LGBT-ve. Në një aktivitet për Ditën Ndërkombëtare Kundër Homofobisë dhe Transfobisë, Zëvendës Ministrja e Punës, Çështjeve Sociale dhe Shanseve te Barabarta, znj. Afërdita Zere, u shpreh se, qeveria shqiptare është e angazhuar në respektimin e të drejtave të njeriut dhe ky angazhim pasqyrohet si në nënshkrimin dhe miratimin e shumë dokumentave ndërkombëtare të OKB-së dhe Këshillit të Europës ashtu edhe në hartimin e miratimin e lagjislacionit vendas në përputhje me këto dukumente të rëndësishme. Ajo bëri të ditur se Shqipëria është një nga vendet ku po zbatohet projekti i Këshillit të Europës “Lufta kundër diskriminimit në bazë të orientimit seksual dhe identitetit gjinor”. Ndërsa Koordinatorja e Përhershme e OKB-së, znj. Zineb Touimi-Benjelloun u shpreh se Agjencitë e Kombeve të Bashkuara i kanë mbështetur institucionet shtetërore dhe ato mbikqyrëse që t’i përmirësojnë kapacitetet e tyre për trajtimin e diskriminimit ndaj personave që i përkasin këtij grupi.

HermesNews - ©2013

Dërgo me email | Stampo artikullin