17/05/2013 10:21:35

SHBA, sanksione te reja Sirise

SHBA vendosën sanksione edhe për Bankën Qendrore të Sirisë, kompanive të saj të naftës dhe 100 eksponentëve të tjerë të regjimit'

NEW YORK - Departamenti amerikan i Thesarit vendosi sanksione të reja kundër Sirisë, saktësisht ndaj katër ministrave, një kompanie ajrore dhe një televizioni.

Ministrat e qeverisë siriane të prekur nga këto sanksione janë ai i Mbrojtjes, Fahd Jassem al-Freij, ministri i Shëndetësisë, Saad Abdel-Salam al-Nayef, ai i Industrisë, Adnan Abdo Al-Sukhni dhe ministri i Drejtësisë, Najm Hamad al-Ahmad.

Kompania ajrore ''Syrian Arab Airlines'', në pronësi shtetërore, sipas SHBA-së ka kontribuar për transportimin e armëve, municioneve, raketave dhe artilerisë antiajrore të dërguara Sirisë nga Garda Revolucionare iraniane.
Ndërkohë, stacioni televiziv privat i sanksionuar është ''al-Dunya TV''.

''Po kështu, SHBA vendosën sanksione edhe për Bankën Qendrore të Sirisë, kompanive të saj të naftës dhe 100 eksponentëve të tjerë të regjimit'', thuhet në një deklaratë të Departamenti amerikan të Thesarit.

HermesNews - ©2013

Dërgo me email | Stampo artikullin