16/05/2013 09:21:28

Italia përballë acarimit të situatave me BE-në

Napolitani, 'ky i sotmi është një ekzekutiv i një bashkëjetese jo shumë të thjeshtë duke marrë në konsideratë natyrën e forcave politike që nuk heqin dorë nga reagimet, secila në kontekstin e saj'

ROMË - Presidenti italian, Giorgio Napolitano në një intervistë për ''Il Messaggero'' deklaroi sot se edhe pse vendi ndodhet në një situatë tepër të trazuar po bëheshin përpjekjet maksimale për ta çuar përpara atë dhe për t'i rikthyer besimin.

Kreu i shtetit e konsideroi ''shumë serioze dhe të matur'' qasjen e qeverisë Letta, kjo edhe falë një kryeministri që nuk shfaqte shenja tronditjeje as përballë polemikave dhe as përballë incidenteve përgjatë rrugës.

''Ky i sotmi është një ekzekutiv i një bashkëjetese jo shumë të thjeshtë duke marrë në konsideratë natyrën e forcave politike që nuk heqin dorë nga reagimet, secila në kontekstin e saj'', u shpreh Napolitano.

''Një kryeministër tepër i ekuilibruar edhe pse, ka edhe nga ata që nuk janë ende të ndërgjegjshëm që e kemi situatën tepër të acaruar me Brukselin, kjo në kuadër të garantimit të daljes së Italisë nga grupi i vendeve që kanë marrë masa obligative për reduktimin e deficiteve të tejkaluara'', theksoi ai.

Sipas tij, në këtë pasazh del në pah dyzimi mes ''të realizuarit të asaj çka duhet bërë dhe mos humbjes së respektit për angazhimet e ndërmarra me partnerët e Bashkimit Evropian''.

''Në këtë kontekst kryeministri Letta dhe ministri Saccomanni po tregohen dukshëm tepër të matur dhe të kujdesshëm'', theksoi Napolitano.
/i.p/ a.jor.

HermesNews - ©2013

Dërgo me email | Stampo artikullin