16/05/2013 09:07:24

Berisha premton heqjen e vizave me Ambasadën amerikane

Ambasa amerikane i përgjigjet premtimit elektoral të Kryeministrit: Ligji aktual kërkon që vendet të kenë një nivel refuzimi vizash për vizitorë prej më pak se tre për qind dhe të hyjnë në marrëveshje për të bashkëndarë mes tyre të dhëna për udhëtarë që paraqesin rrezik për Shtetet e Bashkuara, ndër kërkesa të tjera

TIRANE - Ambasada e Shteteve të Bashkuara të Amerikës i ka kthyer dje një përgjigje sqaruese kryeministrit Sali Berisha, i cili gjatë mitingut të dy ditëve më parë në Durrës u shpreh se do të hiqen vizat me SHBA.

"Programi i Udhëtimit pa Vizë (Visa Waiver Program) qeveriset me ligj dhe ekzistojnë një numër kërkesash statutore që duhen plotësuar përpara se një vend të merret në shqyrtim për anëtarësi në VWP", - sqaron ambasada e SHBA.

"Niveli i refuzimit në Shqipëri për vitin fiskal 2012 ishte 40.5 përqind", - shprehet ambasada amerikane në Tiranë. Një ditë pas deklaratës së kryeministrit, kryetarja e Kuvendit, Jozefina Topalli u shpreh besimplotë për realizimin e këtij premtimi.

HermesNews - ©2013

Dërgo me email | Stampo artikullin