15/05/2013 14:56:54

Ngërçi politik i zgjedhjeve në Bullgari

Partia Gerb e ish-kryeministrit konservator Boyko Borissov ka arritur të marrë 30,5 për qind të votave

SOFJE - Komisioni Elektoral në Bullgari publikoi sot rezultatet përfundimtare të zgjedhjeve të parakohshme parlamentare të së dielës së kaluar, që konfirmojnë suksesin e lehtë të konservatorëve ndaj socialistëve, në të njëjtën kohë pamundësinë e të dyja forcave politike rivale për formimin e një mazhorance qeveritare.

Sipas të dhënave të Komisionit Elektoral, partia Gerb e ish-kryeministrit konservator Boyko Borissov ka arritur të marrë 30,5 për qind të votave. Në vend të dytë renditet partia socialiste (Bsp) me 26,61 për qind.

Vetëm dy forca të tjera politike e tejkalojnë nivelin minimal prej 4 për qind, i nevojshëm për t'u përfaqësuar në parlamentin njëdhomësh me 240 vende, që janë partia e minoritetit turk (Dps) me 11,29 për qind dhe partia nacionaliste Ataka me 7,3 për qind. Nesër Komisioni Elektoral pritet të njoftojë mbi ndarjen e mandateve parlamentare.

HermesNews - ©2013

Dërgo me email | Stampo artikullin