15/05/2013 14:32:09

Masa për zvarritjen e proçeseve

Presione ndaj Dhomës së Avokatisë

TIRANËS - Kemi ushtruar presion ndaj dhomës së Avokatisë për çështjen ne ngarkim të Dritan Dajtit, për të marrë masa ndaj avokatëve që çojnë në dështimin e proceseve, sipas sanksionve që parashikon ligji. Kështu u shpreh sot - nënkryetari i Këshillit të Lartë të Drejtësisë, Elvis Cefa, lidhur me procesin ndaj Dajtit.

“Jemi në dijeni dhe po monitorojmë hap pas hapi atë çka po nodhë me çështjen Dajti. Duhet të theksoi se ne kemi bërë të gjitha përpjekjet e mundshme nga ana ligjore për t'i dhënë zgjidhje kësaj çështje. Kemi ushtruar presion tek Dhoma e Avokatisë që të marin përsipër dhe ta çonjë deri në fund gjyqin e Dritan Dajtit, por fatkeqësisht pa sukses”.

Sipas Cefës, “ligji dhe kushtetuta aktuale nuk jep mundësi Këshillit të Lartë të Drejtësisë të ndërhyjë drejtpërdrejt në gjykata, pasi kështu do të cënohej pavarsia e gjyqësorit, prandaj ne kemi vendosur të ushtrojmë presion mbi dhomën e avokatisë, duke kërkuar që avokatët të sensibilizohen që procesi të mos dështojë."

Çefa tha se “do të merren masa ndaj avokatëve që çojnë në dështimin e proceseve. Masat në raste të kostatimit të zvarritjes së procesit do të bazohën në ligj ndaj të gjithë aktoreëve në këtë process”, tha ai.

Numri dy i KLD-së theksoi se “gjykata duhet t’i japë zgjidhje çështjes Dajti, sa më shpejt, pasi kjo është një situatë e zgjatur prej kohësh”. Dritan Dajti akuzohet për vrasjen e katër efektive te policise në Durres disa vite me pare. Nderkohe, procesi i tij eshte shoqeruar me pezullime te shumta. Mbi 200 seanca jane shtyre per shkak te mungeses se avokateve mbrojtes.

HermesNews - ©2013

Dërgo me email | Stampo artikullin