15/05/2013 09:42:01

Dyfishohen udhëtarët në kufi për fundjavë

Për të njëjtën periudhë kanë dalë nga Shqipëria në drejtim të Kosovës 11700 shtetas shqiptarë dhe të huaj me 4988 mjete të llojeve të ndryshme

KUKES - Vazhdon fluksi në rritje i lëvizjes në të dy anët e kufirit Shqipëri - Kosovë, që gati dyfishohet vetëm në ditët e fundjavës, kur shumë shtetas kosovarë udhëtojnë drejt bregdetit. "Gjatë 3 ditëve të fundit kanë hyrë në Shqipëri përmes pikave të kalimit kufitar me Kosovën 10503 shtetas shqiptarë e të huaj me 5091 mjete të llojeve të ndryshme", thotë zëdhënësi i drejtorisë së policisë së qarkut të Kukësit, Jaho Caushaj. "Për të njëjtën periudhë kanë dalë nga Shqipëria në drejtim të Kosovës 11700 shtetas shqiptarë dhe të huaj me 4988 mjete të llojeve të ndryshme", shtoi ai. Fluksi në rritje i lëvizjes në të dy anët e kufirit, deri tani nuk ka shkaktuar rradhë të gjata në mjediset e doganës të të dy vendeve.

HermesNews - ©2013

Dërgo me email | Stampo artikullin