15/05/2013 09:26:53

Me Tony Blair për mirëqeverisjen

Investimet e huaja dhe turizmi prioritet i qeverisjes së socialistëve dhe temat e diskutuara ne takim. Blair, do të jem i kënaqur t'ju ndihmoj

TIRANË - Kryetari i Partisë Socialiste Edi Rama, gjatë vizitës së tij në Londër, zhvilloi një takim të rëndësishëm pune me ish-Kryeministrin britanik, Tony Blair. Rama dhe Blair biseduan mbi situatën politike dhe ekonomike në Shqipëri.

Rama e njohu ish-Kryeministrin britanik me programin për një Rilindje Shqiptare dhe prioritetet e tij. Thithja e investimeve të huaja në Shqipëri, nxitja e turizmit dhe projektet e bashkëpunimit rajonal në kuadër të proceseve integruese ishin temat e bisedës.

Rama kërkoi mbështetjen e Blair dhe ekspertizën e tij për qeverisjen e pas 23 Qershorit, ftesë e cila u pranua me kënaqësi nga ish-Kryeministri i britanikëve.

"Do të jem shumë i lumtur t’ju ndihmoj. Vendi juaj është një vend për të cilin kam shumë interes", e ka siguruar kreun e PS-së, ish-kryeministri laburist.

HermesNews - ©2013

Dërgo me email | Stampo artikullin