14/05/2013 14:52:12

Vlore, policia zbulon 4.5 kg droge

Lënda narkotike, e vendosur në 8 pako, u gjet e fshehur në një autoveture që po kalonte pikën kufitare të porti

VLORE - Policia e Vlorës sekuestroi një sasi prej rreth 4.5 kë lëndë narkotike, që dyshohet të jetë e llojit heroinë, ndërkohë që arrestoi një 60 vjeçar, që mendohet se ka lidhje me trafikimin e mundshëm të saj drejt Italisë. Burime zyrtare të policisë lokale bënë të ditur se lënda narkotike, e vendosur në 8 pako, u gjet e fshehur në një autoveture që po kalonte pikën kufitare të portit, për t’u imbarkuar në tragetin e linjës Vlorë-Brindisi. Kontrolli i autoveturës BMW, me targa VL 7393 C, që u bë në zbatim të procedurave të analizës së riskut, rezultoi me zbulimin e lëndës narkotike, çka u shoqërua edhe me arrestimin në kushtet e flagrancës të drejtuesit të mjetit, 60 vjeçarit Edmond Andoni, banor i qytetit të Vlorës.

HermesNews - ©2013

Dërgo me email | Stampo artikullin