13/05/2013 10:07:53

Paris-Berlin, marëveshje kundër papunësisë së të rinjve

Plani i përbashkët europian për shkak të mungesës së kreditimit për ndërmarrjet dhe kompanitë që punësojnë të rinjtë

BERLIN - Parisi dhe Berlini do paraqesin në fund të këtij muaji një plan përbashkët lidhur me luftën kundër papunësisës së të rinjve që po përhapet në të gjithë Europën, nga mungesa e kreditimit për ndërmarrjet dhe kompanitë që punësojnë kryesisht të rinjtë, njoftonte sot gazeta gjermane Rheinische Post.

Iniciativa e përabashkët e ministrit francez të Punësimit, Michel Sapin dhe e homologes së tij gjermane, Ursula von der Leyen, e emërtuar "New Deal for Europe" (Marrëveshje e re për Europën) në referencë të "New Deal" (Marrëveshja e Re) e vitit 1933, e presidentit amerikan të asaj kohe Franklin Delano Roosevelt, pritet të paraqitet gjatë një konference të organizuar në Paris, më 28 maj, nga investitori dhe filantropisti gjermano-amerikan Nicolas Berggruen, sipas të përditshmes.

Ministrat e Financave të Francës dhe Gjermanisë, Pierre Moscovici dhe Wolfgang Schäuble, "do të jenë po ashtu pjesë e iniciativës", theksonte gazeta, që i referohej ''burimeve të afërta me qeverinë dhe organizatorët e konferencës".

HermesNews - ©2013

Dërgo me email | Stampo artikullin