11/05/2013 18:32:15

Te gjithe drejt plazhit

Prej mëse 2 javësh, të shtunat në kryeqytet janë të zbrazëta

TIRANË - Temperaturat e larta dhe moti i mirë, i kanë krijuar mundesi kryeqytetasve që fundjavat e tyre t'i kalojnë pranë qyteteve bregdetare. Ndryshe nga vite më parë, këtë pranverë, janë të shumtë qytetarët që kanë nisur të shijojnë rrezet e diellit dhe freskinë e detit.

Prej mëse 2 javësh, të shtunat në kryeqytet janë të zbrazëta. Reduktimi i lëvizjes së makinave vihet re ndjeshëm. Një pjesë e madhe e kryeqytetasve nisen drejt bregdetit.

Plazhet e Durrësit dhe të Gjiri i Lalzit, që janë dhe më të afërtat me Tiranën, janë mëse të populluara gjatë fundjavës prej Tiranasve dhe jo vetëm. Por dhe Vlora, plazhet e Himarës dhe Dhërmiut kanë nisur të frekuentohen, ndonëse rruga drejt tyre kërkon më shumë kohë.

Jola një 26 vjeçare nga Tirana tregon se një fundjavë më parë e ka kaluar në Vlorë me miqtë e saj. “U nisëm menjëherë pas mbarimit të punës ditën e premte. Të shtunën dhe të dielën shijuam plazhet dhe restorantet e mrekullueshme. Kaluam një fundjavë të këndshme. Madje këtë fundjavë do të shkojmë në Durrës, më pranë Tiranës këtë herë”, thoTë Jola e cila po bën përgatijet e fundit për të nisur fundjavën e saj.

Ndonëse sezoni veror sapo është çelur në disa qyetete, përgatitjet për pritjen e pushueve kanë nisur. Në zona të ndryshme të bregdetit janë vendosur shezlonë pranë lokaleve që ofrojnë muzikë dhe pije të ndryshme freskuese për pushuesit.

Por, të apasionuarit pas detit dhe rrezeve të diellit, nuk përzgjedhin vetëm zonat bregdetare brenda vendit, por dhe jashtë saj. Në Agjencitë turistike në vend kanë nisur rezervimet për udhëtime të shkrurta si në Malin e zi, Greqi dhe në Turqi.

Megi 20 vjeç, studente, tregon se dy fundjava më parë së bashku me kushurirat e saj kaluan disa ditë në Budva të Malit të zi. “Pas shirave që nuk dinin të pushonin, mezi e pritëm diellin. Kishim shumë nevojë të kalonin pak ditë relaksuese pranë detit. Zgjodhëm Budvën për komoditetin e transportit dhe të hoteleve që ofron. Kemi kaluar shumë mirë. Shpresoj që dhe fundjavat në vijim të jenë aq argëtuese”, thotë ajo.

Ofertat turistike kanë filluar tashmë të publikohen në këndet e reklamave në rrugët e Tiranës, por dhe në faqet në facebook. Pushimet, endrrat nën diell dhe ditët e gjatë pranë detit janë shumë pranë....ato kanë filluar të pushtojnë mendimet e gjithsecilit...!!!

HermesNews - ©2013

Dërgo me email | Stampo artikullin