10/05/2013 15:27:15

KE nxjerr të jashtëligjshme farat dhe bimët e pa miratuara

Një ligj i ri konsideron të jashteligjshëm kultivimin e perimeve të pa kontrolluara

HermesNews - Një ligj i ri i Komisionit Europian konsideron të jashteligjshëm kultivimin, riprodhimin dhe shitjen e perimeve që nuk janë analizuar dhe pranuar nga një burokraci e re europiane e quajtur “ Agjencia europiane e shumëllojshmërisë së bimëve”. Nëse një fshatar do të mbillte në kopshtin e tij bimë me fara të pa miratuara, sipas këtij ligji, do të konsideroj si një kriminel. Teksti i projekt ligjit ka pësuar ndryshime të shumta për shkak të protestave të shoqatave të fermerëve.

“Ky ligj parandalon menjëherë kultivimin e llojeve të ndryshme bimore nga fermerë të vegjël, fermerë organik ose fermerë që veprojnë në shkallë të vogël” – ka thënë Ben Gabel, kultivues perimesh dhe drejtor i “The Real Seed Catalogue”. Ai u shpreh më tutje se fermerët e vegjël kanë nevoja shumë të ndryshme nga kompanitë e mëdhaja ndërkombëtare, për shembull nuk përdorin makinat ose nuk u pëlqen përdorimi i lëndëve kimike të forta. Nuk është e mundur të regjistrohet cilat janë llojet e përshtatshme për një kopësht të vogël sepse nuk u përgjigjen kërkesave të larta të “Plant Variety Agency”, e cila merret me aprovimin e llojeve të farave që përdorin fermerët industrial.

Daniela Vathi

Dërgo me email | Stampo artikullin