10/05/2013 10:08:52

Dënimi që i shërbeu si strategji

Nga François Kadri

ROME - Silvio Berlusconi kërkon të habisë, pasi ndryshe nga ajo që disa i trembeshin ose shpresonin, dënimi tjetër i dhënë nga drejtësia italiane, me të cilin u përball dy ditë më parë, i ka shërbyer strategjisë së tij për të mbështetur qeverinë Letta.

Kavalieri, i zgjedhur në Senat në zgjedhjet legjislative në fund të muajit Shkurt, është përballur me një dënim prej një viti burg për mashtrim fiskal (në të vërtetë katër vjet burg, tre prej të cilëve i janë falur menjëherë) në procesin ''Mediaset'' dhe kryesisht me ndalim të ushtrimit të çdo funksioni publik për pesë vjet.

Sipas rrethit të tij, ai e ka pritur këtë lajm me nervozizëm. Reagimi i manjatit të medias ka qenë më i matur. Ai ka qëndruar i heshtur dhe ka dërguar fillimisht peshën kryesore të partisë së tij për të dënuar persekutimin gjyqësor nga disa gjykatës të politizuar.

Një manifestim i partisë së tij, PDL, në mbrojtje të Silvio Berlusconit është programuar të zhvillohet sot me pjesëmarrjen e Berlusconit, por në qytetin e vogël të Breshias, jo në Milano apo Romë. ''Berlusconi po dashurohet me rolin e tij të ri, ai është bërë aksioner referencë i qeverisë'', shprehet Marcello Sorgi, editorialist i të përditshmes La Stampa.

Silvio Berlusconi, 76 vjeç, është konsideruar si ''sponsori'' më i rëndësishëm i qeverisë së Enrico Lettas, i pari që prej përfundimit të luftës në Itali që ka bashkuar ministrat e së majtës dhe të djaathtës.

Berlusconi kishte propozuar në fakt një qeveri të tillë ''me shtrirje të gjerë'' që prej shpalljes së rezultateve në zgjedhjet legjislative për zhbllokimin e qorrsokakut politik krijuar nga mungesa e një maxhorance në Senat.

Partia Demokrate, forca kryesore e së majtës, ku Letta është numri dy, duket se është detyruar të pranojë këtë aleancë të pazakontë dhe të keqdrejtuar nga anëtarët e saj pasi dështoi në formimin e një maxhorance me Lëvizjen Pesë Yjet të ish-humoristit, Beppe Grillo.

Për Stefano Follin, specialist politik në të përditshmen ''Sole 24'', mund të flitet vërtet për një ''Berlusconi të ri'', i cili është transformuar në një faktor të qendrueshmërisë dhe stabilitetit të sistemit, edhe pse nuk është ai që ka ndryshuar, por kuadri i përgjithshëm i vendit dhe qeverisë.

Në kontestin e një PDL-je të lidhur ngushtë me shefin e saj nëpërmjet një performancë të mirë zgjedhore. ''Berlusconi ka shumë interes të mbajë këtë kostum, të burrit të shtetit që kënaq zgjedhësit e tij'', nënvizoi Folli.'' Ky qëndrim ndihmon gjithashtu perandorinë e tij mediatike ''Fininvest'', aksionet e të cilës janë rritur në bursë.

HermesNews - ©2013

Dërgo me email | Stampo artikullin