10/05/2013 07:25:22

Miliarderi Buffet: Nëntë rregullat për të pasur sukses

Multimiliarderi amerikan Warren Buffet ka arritur pa dyshim të ketë gjithcka nga jeta dhe beson se duhen ndjekur ëndërrat, duke studjuar mirë njerëzit.

NEW YORK - Multimiliarderi amerikan Warren Buffet ka arritur pa dyshim të ketë gjithcka nga jeta, ai beson se duhen ndjekur ëndërrat , por në mënyrë konkrete, duke studjuar mirë njerëzit.

Gjatë një emisioni televiziv në kanalin Office Hours, administratori i kompanisë Berkshire Hathaway ka provokuar femrat duke thënë që ato nuk duhet të hiqen si dikush tjetër dhe nuk duhet të kenë frikë të arrijnë sukses në karrierë.

Sipas tij për të arritur majat e suksesit duhen ndjekur nëntë rregulla themelore dhe të vlefshme për këdo.

1- Ndiqni ëndërrat
Kjo është rregulla e parë. Për të qenë të kënaqur me vetveten nga ana professionale, secili duhet të gjejë pasionin e vet. S’duhet reshtur kurrë së kërkuari punën që keni pasion ose, thënë ndryshe, punën që do të donit të bënit nëse do të ishit të pasur, pa u kujdesur për rroga e të ardhura. Ska gjë më të mirë në jetë se të ndërthurësh punën që dëshiron me njerëzit që adhuron.

2- Zgjidhni heronjtë e duhur
Eshtë vërtetë e rëndësishsme në jetë të zgjidhen heronjtë e duhur. “Më thuaj cilët janë heronjtë e tu, të të them si do të përfundosh”- mendon Buffet. Ai ndjehet i kënaqur që ka zgjedhur të ndjekë si modele disa personazhe që nuk e kanë zhgënjyer.

3- Përdorni komunikimin në mënyrë efikase
Gjatë kohës që Buffet po ndiqte një master në Columbia University në New York, ai pohon se kishte frikë të fliste në publik, por ishte i detyruar ta bëntë. Pasi mbaroi studimet, ai vendosi të ndiqte një kurs për të mësuar si të prezantohej në publik. Sot ai është i bindur se një kurs i tillë i ka ndryshuar jetën.

4- Ndiqni zakone dhe sjellje shembullore, duke studjuar njerëzit
Eshtë themelore në jetën e secilit nga ne që të shoqerohemi me njerëz që të kenë zakone të mira, të jenë të qeshur dhe bujarë. “Nëse arrini të kuptoni se cilat veti ju pëlqejnë tek të tjerët, atëherë duhet vetëm të vëreni nëse ato veti mund ti ndiqni edhe ju. Mjafton të jeni të vendosur, nuk është e thënë që të ndryshoni krejtësisht vetveten”.

5- Mësoni të thoni JO kur është e nevojshme
Sipas Buffet është mirë që secili të ketë nën kontroll kohën e tij dhe s’duhet lejuar që të jenë të tjerët që të përcaktojnë axhendën e dikujt.

6- Mos punoni për dikë që nuk paguan mirë
“Nëse unë do të isha një grua dhe do të më paguanin më pak se të tjerët, kjo gjë nuk do të më pëlqente aspak. Madje nuk do të kisha as dëshirë të punoja aty. Pra, nëse dikush tregohet i padrejtë me ju përsa i përket pagesës, atëherë ai njeri sdo ngurronte të ishte i padrejtë me ju në shumë mënyra të tjera”- shprehet multimiliarderi.
7- Përfshihuni në kompani të sukseshme që janë në rritje
Tregohuni të kujdeshëm dhe vlerësoni cilat janë kompanitë që bëjnë diferencën dhe që ju ofrojnë më shumë se të tjerat.

8- Zbuloni gjithcka që mundeni rreth fushës që ju intereson
Buffet këshillon që të lexohet së paku 6 orë në ditë, pasi rritja e inteligjencës do të ndihmojë në zhvillimin e aftësisë së problem solving. Ai tregon se kur ishte 20 vjec dinte shumë gëjra rreth kësaj fushe dhe e nxiste veten që të mësonte sa më shumë rreth saj.

9- Gratë e reja duhet të zgjedhin modele mashkullore për të ndjekur
Eshtë e rëndësishme që femrat të frymëzohen nga meshkujt, sepse pjesa më e madhe e lidërve në botë gjer më sot janë meshkuj. Ai pohon se duhet pranuar fakti që sot janë meshkujt që zënë vendet kyce, por, në fund ai shton se kemi ende kohë përpara nesh që kjo situatë të barazohet dhe të mos ketë dallime.

Daniela Vathi

Dërgo me email | Stampo artikullin