09/05/2013 17:45:51

Nasa: shpërthimi më i fuqishëm i rrezeve gama gjer më sot

Shpërthimi yjor më i fuqishëm dhe më i gjatë që është parë deri tani

HermesNews - Dy teleskopë hapesinor të NASA-s kanë zbuluar shpërthimin më të madh yjor të parë deri tani, një ngjarje kozmike në një distancë prej 3.6 miliard vite drite nga Toka, i quajtur nga shkencëtarët "eye-wateringly bright" falë ndricimit të madh që e karakterizon.

Me 27 prill, teleskopët e NASA-s Swift dhe Fermi Gamma-ray Space Telescope regjistruan një përhapje të gjerë të rrezeve gama, që vinte ndoshta si rrejdhim i një shpërthimi të madh yjor.

Shpërthimi zgjati mjaftueshëm saqë shumë teleskope nga Toka arritën ta kapnin ndërkohë që vëzhgimet hapësinore vazhdonin ende. Një nga rrezet gama të leshuara nga shpërthimi, e vëzhguar në plejadën e Luanit, ka qenë tre herë më energjik se cdo rreze gama tjetër e regjistruar gjer tani.
Rrezja në fjalë mori emrin GRB 130427° dhe konsiderohet si rrezja më e gjatë deri tani, zgjatja e së cilës vazhdoi për një ditë të tërë.

Sipas studiueseve të NASA-s pjesa më e madhe e rrezeve gama përhapen kur një yll me dimensione të mëdha, në mungesë të karburantit bërthamor, pësojnë një kolaps në vetvete. Kur bërthama shembet në një vrimë të zezë, lëshohen materiale jashtë që përhapen me shpejtësinë e dritës.

Ky shpërthim i rrezeve gama ka ndodhur me një afërsi 5% më shumë se të tjerët pranë Tokës. Tani fillon kërkimi i supernovës në zonën e shpërthimit, e cila do ti lejojë shkencëtarët të arrijnë në origjinën e GRB 130427°.

Daniela Vathi

Dërgo me email | Stampo artikullin